Single & fab

Það er ekki að ástæðulausu að fólk sem sleppur frá sambandsdjöflinum öskrar röddina frá sér af nýfundinni kæti. Þegar það kastar af sér þungum og beittum hlekkjum ástarinnar og hrópar: “Loksins fann ég þig, frelsi. Loksins fann ég þig líf.”

Single & fab gerir þér kleift að lifa innan hins himneska ramma sem öll viljum við finna.

Það er ekki tilviljun að þeir sem eru í sambúð upplifi langtum frekar ofskynjanir, tímabundna sturlun, geðsýki og gigt. Það er heilagur sannleikur að sambandsslit eru fullkomið útópíuástand.

Single & fab eru krúttleg og hlýleg samtök.

Í nýlegri, finnskri rannsókn 500.000.000 ungmenna kom í ljós að það er ekkert í stöðunni annað en yfirhönd eða dauði. Undirlægjuskapur og ástandið “að vera að leita að sambandi” eru á sama stað og Maó, Hitler og djákninn á Myrká. Það þýðir ekki að reyna að ganga í Single & fab með þeim rökstuðningi að þú sért annað hvort “single” eða “fab”.

Single & fab helst nefnilega í hendur.

Ef það “að vera að leita að sambandi” er köttur er FABIÐ hundur. Og allir almennir dýraáhugamenn vita að köttur og hundur eiga enga samleið. Hvorki í þessum heimi né öðrum.

Single & fab fer með þig sem blóm í eggi eða nokkurra daga fóstur í móðurkviði.

Ef að kúr á laugardagskvöldið er ying er tímasóun yang. Með annarri og snyrtilegri uppröðun orðanna: kúr er tímasóun. Ef að single er fab er fab single.

Single & fab er ekki hugarástand, það er lífsstíll.

Pálminn er þinn ef þú sækist eftir honum. Höndin er áföst fabinu sem er í engum skilningi auðsótt. Ef að pálminn er fab er höndin sem hann er í single.

Og já. Lénið www.fab.is er laust. Og já, höfundur gúterar nokkur ástarsambönd, spyrjið ef þið eruð í vafa.

Athugasemdir

[jonas (IP-tala skráð) 15.9.2007 kl. 20:52]

Góð grein.  En heldurðu að einhver geti í fullri einlægni verið í þessum samtökum?

[Björg (IP-tala skráð) 16.9.2007 kl. 02:23]

Já, Jónas, því hef ég fulla trú á. Líf mitt verður sönnun og staðfesting þess.

[Ungfrú Parka (IP-tala skráð) 17.9.2007 kl. 09:20]

Ó heyr, heyr !

Maður lífs míns: Herra Pálmi !

[Alma Joensen, 17.9.2007 kl. 11:04]

Við Björg erum lifandi sönnun þess að til séu einstaklingar sem nái fullkomlega að uppfylla öll skilyrði þess að vera single og fab.

[Margrét Rós (IP-tala skráð) 17.9.2007 kl. 15:55]

ef single er fab þá er ekki-single ekki-fab... er það ekki?

ertu að segja að ég sé ekki fab Björg? 

[Sirrý (IP-tala skráð) 17.9.2007 kl. 16:46]

Gúteraru mitt ástarsamband? ég vil svar!

[Björg (IP-tala skráð) 17.9.2007 kl. 19:26]

Margrét Rós. Í örfáum orðum: nei ég er ekki að segja að þú sért ekki fab. Enda myndi það á engan hátt standast mælikvarða nútímans né fabsins. Þú ert ein þeirra sem beygir reglur single & fab, því þú helst viðbjóðslega fab þrátt fyrir að vera ekki single. Sem er mjög mikið einsdæmi og að sjálfsögðu tryllingslega fab. Ekki reyna að taka mig á teppið með einhverju svona rugli. Og þitt ástarsamband er eitt þeirra sem ég gútera mjög. Sakna þín og elska þig beib.

Sirrý. Er ást í því? Er það samband? Nei og nei - ég hélt ekki. Þar af leiðandi er það snilld og gúterast fullkomlega innan ramma single & fab samtakanna, sem þú ert jú meðlimur að. Ég held meira að segja að ég hafi sagt nákvæmlega þetta við þig í epíska símtalinu á laugardaginn.... sjáumst annað kvöld, á miðvikudaginn og föstudaginn. Jööössssssssssssss.