Einungis 4 dagar..

Good day

The other day, a group-manager from Iceland, booked at your hostel, Sugar Hill Harlem, for 12 students which are going to stay there from 7th of March and the next 4 nights. We are two girls in this group who will arrive exactly one day earlier and we are wandering wheather you have available room for us this one night, Thursday the 6th of March. Please let us know as soon as possible.

Best regards, Ástríður Viðarsdóttir and Björg Magnúsdóttir

P.S. We attatched a photo of us so you will see that we are no criminals!

 

No criminals

                 ___________________________________________________________

Hello Ástríður Viðarsdóttir and Björg Magnúsdóttir,

Sure you can come a day early. Thanks for the photo. Do you eat surströmming in Iceland? Here's a photo of me. Sorry I'm not so young and beautiful!

 

smoking

 

Thank You,
Jeremy Archer,
Sugar Hill Harlem Inn,
460 W.141 st,
New York NY 10031
(1) 212.234.5432
www.sugarhillharleminn.com

  


Finnið a.m.k. 5 atriði sem vantar á þessa mynd !

Frá undirskrift að nýrri gagnaveitu.
Karlmennskan er í fyrirrúmi !


Ó þú grimma líf sem að mér hæðist ... !

Ég var í lestinni á leiðinni á flugvöllinn í Osló. Ég hlustaði á Neutral Milk Hotel í Ipodnum þegar slánalegur strákur með nördaleg gleraugu potar í mig. Ég hef greinilega verið að spila nokkuð hátt því strákurinn, í röndóttum bol og gollu með elgamunstri, spyr mig hvor af plötum NMH, On Avery Island eða In the Aeroplane over the sea, mér finnist betri plata.

Í framhaldi af því byrjuðum við að spjalla saman. Ég komst að því að hann var á leið heim með innanlandsflugi til Bergen eftir að hafa spilað á tónlistar-festivali í Osló. Hann komst að því að ég var á leið heim eftir brettaferð til Svíþjóðar. Hann sagðist heita Erlend Öye með ö-i. Eg sagðist heita Vala með vaffi. Hann potaði í snjóbrettið mitt. Ég potaði í gítarinn hans. Hann dáðist að snjóbrettameiðslum mínum. Ég dáðist að slitnum gítarhöndum hans. Hann sagði að ég hefði slegið góðan takt með conversunum mínum meðan ég hafi verið að hlusta á Ipodinn og hann hafi verið að mana sig upp í að spjalla við mig.
Ég varð feimin.

Eftir tékk-inn þar sem hann dobblaði norskan flugvallarstarfsmann að sleppa mér við yfirvigtarborgun bauð hann mér kaffi. Við settumst á afvikið borð á Gardemoen flugvelli og spjölluðum óðamála saman. Af nýjabrums-áfergju ræddum við saman eins og gamlir vinir um valkvíða, sushi, ást við fyrstu sýn, hljómsveitir, hljómsveitina hans ( sem hann undarlegt nokk kom sér undan að nefna ) bækur, lífið, Osló, Reykjavík o.fl. o.fl.. Ég sagði honum frá eldvörpunni. Hann heillaðist og lofaði hástemmdur að semja lag um það og senda mér.

Skyndilega mitt á milli þess að rífast um eilífðarspurninguna Bítlana eða Stones, verða sammála um að sushi staðurinn á Sporvejes-gade sé besti sushi staður í heimi og verða hissa á að einhver annar en maður sjálfur elski gömlu eigtís Alaska þáttaröðina Northern Exposure áttaði ég mig á að ég væri ástfangin. Uppgötvunin var óvænt en mér fannst hún fullkomlega eðlilega þarna á þeirri stund þar sem ég sat og drakk áfergjulega í mig strákinn í elgapeysunni.

Endirinn kom allt of fljótt eins og oft má verða um góðar stundir. Flugvélin frá Bergen var á förum. Kaffið var búið en orðin voru rétt byrjuð að renna. Hann kyssti mig á báðar kinnar. Ég lofaði honum að koma í heimsókn til Bergen og drekka með honum bjór. Á móti lofaði hann mér að koma til Íslands aftur ( hann kom hingað á Airwaves fyrir tveimur árum) og drekka með mér bjór.

Jafn skjótt og hann steig inn í líf mitt steig hann út úr því á ný. Hann vinkaði mér í landganginum. Svo hvarf strákur í elgapeysu inn í flugvél með hjarta mitt meðferðis.

Eina ráðið sem ég kunni við því andlega uppnámi sem það er að verða bæði ástfangin og lenda í ástarsorg á innan við þrem klukkustundum var að fara á barinn. Því sat ég einmanaleg á flugvallarbarnum, drakk gin og tónik og skipaði hjarta mínu höstuglega að taka sér tak.

Í flugvélinni á leið heim til Íslands ýtti ég á play á Ipodnum aftur eftir truflun gleraugnastráksins í lestinni. Neutral Milk Hotel hljómaði á ný. Ég horfði á Noreg hverfa í mistrið og endalausan hafflötinn taka við þegar línurnar í laginu “In the Aeroplane over the sea” hljómuðu:

    What a beautiful dream
    That could flash on the screen
    In a blink of an eye and be gone from me
    ...

Hvernig örlögin leika sér að mér.
Nú sit ég fyrir framan makkann minn, googla í sakleysi mínu nafnið á plötunni sem hann sagðist einu sinni hafa gefið út: “Unrest”.
Erlend Öye maðurinn sem tók hjarta mitt með sér til Bergen er enginn annar en þessi:

Hann hefur meðal annars gefið út þessa plötu (sem hann sagði einmitt að væri ágæt þegar hann skoðaði Ipodinn minn án þess að minnast á tengsl sín við hana):

Einnig er hann í þessari hljómsveit:

Ó þú grimma líf. Hví hæðistu svona að mér.
Ég er farin til Bergen að finna hjarta mitt.
Kveðjur.

 


Júróbandið hefur afhrímað frosthjartað..

júró
 
...ef þau væru nammi væru þau ábyggilega sykurhúðað gúmmíhlaup með jarðaberjasultu innan í. Ef þau væru drykkur væru þau að öllum líkindum óáfengur Shirley Temple-kokkteill með þremur skærbleikum rörum. Ef þau væru strákur væri ég pottþétt skotin í honum. 

Og nú ætla ég að segja eina sögu


Hornið þykir með tilvaldari stöðum til snæðings í Reykjavík í dag. Af þeirri ástæðu eingöngu lagði ég leið mína þangað síðastliðið laugardagskvöld. Samferðakonur voru þær SRÍ og DÍS en sú síðarnefnda fagnaði nýlega fertugsafmæli svo þetta var létt fagn-ferð henni einni til heiðurs. Ójá.

Gúrmei-ið lét sig ekki vanta og þjónustustúlkan, sem var þó líklega mætt á jómfrúarvaktina, kastaði gósenlandi til okkar í formi matseðils. Þó þurftum við þrjár að deila einum, þar sem staðurinn var þétt setinn og ófá augu sem renndu hýrt um matarkombó og kaloríusamsetningar. Mögulega er hægt að útskýra þann sprengilega þéttleika með fyrstu setningu sögunnar (Hornið þykir með tilvaldari stöðum til snæðings í Reykjavík í dag).

Nú. Ekki leið á löngu þar til kvenda-tríóið, ég, DÍS og SRÍ, höfðum ákveðið okkur. Tómatsúpa. Gráðostabuff. Hálfmáni. Í réttri röð. Og ein flaska af rauðvíni hússins í bastflösku, takk. Og kók læt fyrir SRÍ af því að hún er enn svo þunn. Takk, takk.

Ókei. Adam var ekki lengi í Paradís en Adam í þessari sögu myndi vera holdgervingur okkar þriggja og Paradís væri þá, tada: Hornið. Því á þessum tímapunkti hringir sími SRÍ. Á skjánum stendur: REI! Það sem ég og DÍS heyrum er nota bene einungis helmingur samtalsins, annað væri óeðlilegt. Í réttri röð:

-Hæ.
-Ómægot, hvar ertu?
-Uuuu.. ég var eiginlega að panta mér mat á Horninu með stelpunum.
-Nei ég kem.
-Já ég er viss, bíddu þar.
-Bæ.

Og þar með var SRÍ rokin út í óvissuna og eftir sat ég með DÍS en fés hennar hafði umbreyst á einu andartaki í eitt stórt og stabílt spurningarmerki. Okkur til mikillar gleði kom rauðvínið í bastflöskunni fljótt svo þar með var vandræðaleiki og small-talk úr sögunni. Við sendum þó kók lætið til baka þar sem SRÍ var ekki á staðnum. Og það kann enginn að meta goslaust kók læt.

Núehh. Eftir um það bil 10 mínútur kemur SRÍ aftur með REI í fanginu en REI er þá 4. manneskjan í sögunni. REI settist við hliðina á mér og talaði um hvað hann langaði aftur á Piccadilly Ciiiiiiiircus með mér. Og á sushi-staðinn í Soho. Og reyndi að endurlífga gamlar glæður. Og hélt litla, litla eftirhermu Lil Britain / Office sýningu. Tók meðal annars David Brent, borðinu til ánægju svo hlátrasköllin bombuðu sér um litla sal Hornsins.




Þá stendur samt eftir stór spurning. (?). Hei, REI, hvað varstu að gera þarna? Ekki segja nei, REI. Varstu að ná í hey, REI? (Allar þessar spurningar eru tilbúningur og stílbragð höfundar því öllum var ljóst hvað REI var að gera þarna).

REI þurfti að safna kröftum, byrgja sig upp af H20, hafa samskipti við aðra en Bakkus og læra aðeins á lífið áður en hann gæti hjólað aftur í djammið af alefli. Töku 2 það er að segja. (Allt sem stendur í þessari klausu er lygi).

Þegar undirrituð sá fyrir endann á REI-málinu hafði hún samband við Dóra. Sem er persónulegur vinur REI. Fyrst talaði Dóri um að hafa verið narraður á árshátíð og síðan illa svikinn er REI hvarf skyndilega. En eftir nokkuð rólynt spjall féllst hann þó á að geyma eina tira-misu tertu fyrir REI, er hann léti vaða í töku 2. Á djammið.

Og þetta var bara byrjunin á laugardagskvöldinu mínu..




Svitaballið

Hamslaus tryllingur.
Eldvarpa, slagsmál og púkahrekkir.
Gaf fyrirheit um hvaða koma skyldi...

Mótstjóra-krútt og Sessó full reiði áður en ástin vitjaði hennar.

 

 

 

 

 

 

 

 

 

 

 

 

 

 

 

Mótstjóri hamslaus af gleði yfir þreifingunum í Framhýsinu.

 

Ofur-fab túlípanar.

 

Blinduð Sirrý.

 Bolluóhemja 1

Bolluóhemja 2 

 

Slagsmál að venju...

 

Sigurvegara-bros  !


Ást í boði Röskvu...

Verið velkomin í heimsókn í Röskvu básinn í VR-2. Þar er hægt að næla sér í nesti fyrir sálina, veitingar fyrir lífið og faðmafylli af ást. 

P1010103

Röskva elskar alla Háskólanema, jafnvel gleraugnagáma. Sjáiði ástina og umhyggjuna sem stafa af Jónasi og Stefaníu til litla krúttulega háskólanemans með krullurnar.

 P1010105

Jónas sér um sleikþjónusu Röskvu í VR-2. Háskólanemar sem notfærði sér þjónustu Jónasar sögðu að  sleikurinn frá honum væri sönnun þess að Guð sé til. Orð eins og „tungurefurinn“ voru einnig notuð.


Á krossgötum

Þegar refurinn Tími kastar sér fljótt,
neitar að stöðva og hleypur undra skjótt.
Þarf að grípa í skott hans og staldra aðeins við,
hvað hefur gerst og hverju vil ég leggja lið?

Í árin nokkur hefur æskan átt minn hug,
eilífir leikir fangað bæði þor og dug.
En nú stend ég á krossgötum, mínum eigin vegamótum,
við hlið mér stendur lífið á fáki fráum og skjótum.

Það er sem einmitt nú sé eitthvað farið að tifa,
er það guðsins góða klukka sem segir mér að lifa?
Þroskast um helming, hætta öllu rugli,
leggja niður glasaköst svo ég endi ei á Bugli?

Lífið er að kalla á mig, ætlarðu að koma með?
Líður eins smákrútti eða á skákborðnu peð.
Tími mótunar og undirbúnings er að renna sitt langa skeið,
þrútna nostalgíu skapar og að hluta verð ég leið.

- - -

En að halda eilíft í æskuna er engin raunsæ lending.
Endalaus leikur við Pétur Pan er heldur ólukkuleg hending.
Þess vegna ber þroskann að hafa að höfuðbragði,
hlaupa út og faðma það stjörnuryk sem að lagði.
Aldrei, aldrei þó mun ég öllu flippi gleyma,
það er hrein vitfirra þótt skó þroskans sé á mig að reima.

Því aðeins í þeim, þessum þroskaskóm bestu,
kemst ég í lífsins byrjunarlið og fer að skora mörkin mestu.
Bomba í eilífðar-knöttinn af miklum styrk og festu,
hala inn eftirstóttum stigum og útrýma leikmönnum verstu.

Ég er samt ekki komin inná,
þó með upphitun vissulega vinni'á.
En það er eitthvað mikið sé að gerast:
ég er um það bil í leikinn að skerast.

Ef ég er um það bil í lífsins leik að skerast,
kallar það á taugatrekkt og ótt mínar æðar berast.
En hugur minn verður sterkur,
og því útrýmt sem heitir verkur.

Ef báran sýnist þung og tilveran illa lætur,
læt ég ekkert stöðva mig heldur hef á fabinu nánar gætur.
Því ef fabið er við höndina verður sigurinn ógnarsætur,
þú ferð að tilbiðja tilveruna og hafa á dögum þínum mætur.

Miklar eru hugmyndir og sýnist hverjum sitt,
engum blöðum þarf þó að fletta um að þetta ár verður mitt.
                                                                           


Á tímamótum..


Ég verð alltaf eilítið hugsi um áramót þar sem tíminn verður alltaf í mínum huga klækjarefur. Árið 2007 var þó með eindæmum snilldarlegt en síðstu 365 dagar hafa þotið hjá eins og í undursamlega skemmtilegum skemmtidraumi. Það sem bar hæst er þó án efa eitthvað af eftirtöldu..


Þegar ég blés sápukúlur og áhyggjur frá í leiðinni á Grundarstíg með mínum platónska sálufélaga: 

sápó

Þegar ég fylgdist grandlega með Láru bomba sjálfri sér útí runna með trampó-hoppi í sínu eigin afmæli:

trampó


Þegar ég lærði að elska múttu mína ennþá meira. Sjáiði bara krúlluna:

mútta

Þegar ég trylltist á jákvæðan hátt með þessari á árinu. Án efa efniviður í skemmtilegri týpuna af skáldsögu: 

svavadís 

Þegar Sverðvinur kastaði sér á forsíðu Málgagnsins:

mbl

 

Þegar ég fékk brjálæðisleg hottí í heimsókn þegar ég flutti loksins út (þessi er tekin áður en ég flutti aftur heim): 

hott


Þegar ég eignaðist tvo mjög eigulega línuverði en ég verð líklegast á sama elliheimili og þeir: 

línuverðirnir
 
Þegar Vala fann sína innri köllun og framtíðarmarkmið á Selfossi. Það að yfirbjóða og eignast sérnúmerið GHOZT fyrir næstu áramót:

ghozt

Þegar ég manaði þessar til þess að tattúvera á sér allt mjóbakið með gaddavír. Það gekk illa:

tóróogcó

Þegar ég tók ákvörðunina meðvituðu um að hætta öllu djöfuss rugli á borð við þetta (myndin) á nýju ári og fara að huga að því að líta ekki út eins og mannlegt, gangandi hræ/geðsjúklingur:

byssa
 
Þegar ég minntist gamalla, undursamlegra tíma sem koma því miður aldrei aftur:

oldtimes

Þegar ég hékk aðeins með Goth-krúinu mínu, fjarlægði miltað úr mér til þess að fá minna mitti og lét færa nokkur rifbein til:

goth

Þegar ég fór í útilegu lífs míns með Berlgerði og Ernu ennisbandi. Í ferðinni tókst mér að rústa tjaldi, rifast við Völu, sættast við Völu og lenda í tómatslag við 7 manneskjur: 

hallgeirskrútt

Þegar ég læstist inni á klósetti í fríðu föruneyti og vodka í burn. Það endaði eins og einhvern kann að gruna með agalegum látum:

klósettferð

Þegar ég trylltist (einnig á góðan hátt) í Röskvu-málum ásamt fríðum keppinautum á Fréttablaðinu og fleira góðu fólki:

fbl

Þegar ég óð miðbæ Reykjavíkur á enda í nokkrum mótmælagöngum. Mótmælti aðallega ástsjúkum sambandstýpum og köttum. Hér er ég fersk í einni:

mótmæli

Þegar ég gekk til liðs við Femínistafélag HÍ. Þessi mynd birtist í MBL, en stórvinkona mín Sessó er opinbert andlit félagsins:

femmafab

Þegar ég bombaði nokkrum vel völdum skotum á þessa skvísu sem var í tuttugu sentímetra hælum í partýi. Hún var furðulega góð í marki: 

helgafóbó

Þegar hinn epíski skrifstofufögnuður Stúdentaráðs var haldinn. Framkvæmdasvið sá um skreytingar:

skrifstofan

Þegar ég eignaðist NÆSTUM því kærasta, honum líkaði illa lífsskoðanir mínar og dömpaði. ÞINN MISSIR. Þetta er eina myndin sem náðist af okkur saman: 

kærasti

Þegar þessir bræður (og fleiri sem ég fann ekki mynd af) grínuðust og flippuðu:

krillihjalli

Þegar ég sá sárlega á eftir þessari til hægri úr Single&Fab en vonbrigði umturnuðust þó í eilífa gleði þegar þessi til vinstri sagðist vera alkomin til Íslands:

marra og anna
 
Þegar þessi breyttist í djammdýr og ungaði út barni í formi púða í geðsjúku partýi:
 
guggs
 
 Þegar ég fór í bestu ferð sem ég hef farið í með þessari:
 
vaaaala

Og síðast en ekki síst, þegar ég pantaði mér far til NY næsta mars með þessari: 

ástríður

Takk allir fyrir ógleymanlegt ár! 


jalla jalla

Kjamsadi a ulfalda i kairo a torlaksmessu. hof siglingu nidur nil a jolanott og verd komin langleidina ad landamaerum egyptalands og sudan a morgun, tridja i jolum.

Sit her a frumlegasta internet-kaffi husi sem eg hef augum litid. er stodd einhvers stadar i sudur-egyptalandi, i sahara eydimorkinni midri !

jolakvedjur til islands...

vala


« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband