Óður til eldvörpu

Eldvarpa, þú líf mitt glæðir,
lyftir mér í hæstu hæðir.
Í andans böli á þér mæðir,
þú ert mér allt, þú eldmóð fæðir. 

Eldvarpa stendur fyrir lífsins mikla móð,
tengslin við kjarnann og eldfærin góð.
Frama, getu, ei stopp og trú á lífsins leiðir,
en gættu þín þó: við illnotkun eldvarpan meiðir.  

Í æsku þennan þorsta fann,
eldvörpumóð og blóð sem rann.
Eldist ei af mér bálið besta,
bálið besta, gjöfula og mesta. 

Í heiminum eru gerðir tvær
af mannfólki, ég tel mig þekkja þær.
Önnur er sú sem á vörpu leggur fæð,
hana hreinlega hatar og þykir hún skæð. 

Hin er sú sem dæmir ei fljótt,
eldinn skoðar, hefur viðmót ei sljótt.
Áttar sig á hvað eldvarpan þýðir:
hin eilífa gleði sem stöðnun hýðir.  

Ef að stöðnun er ólífi,
hvert skal þá halda?
“Ég veit ekki”, segir þú með svörun margfalda.
 
Leyfðu eldvörpu að lýsa þér leiðina,
hún þekkir þig, les þig og bendir á veiðina.
“Veiðina”, segir þú, “þetta er þvílík hneisa!”
Ekki vanmeta hinn eldglaða vandamála-leysa. 

“Ef eldvarpa er hamingjan, hvernig má hana fá?”
Fáðu kveikjara í hönd og þú munt skjótt sjá.
Hárbrúsi einnig nauðsynlegur mjög.
Til að spreyja úr - kveikja í - sjá eldsins mörgu lög. 

Við eldinn sem hún gefur, þessi mikla lífsins varpa,
unaðsfagra spútnik græja og mín framtíðar fagra harpa:
má skyggnast inn í hjarta þitt og greina þig í hvelli,
ertu með eða á móti, mun varpan halda velli? 

Ef í æfingu kemst, gleði muntu finna,
“Ertu alveg viss, mun áhrifum aldrei linna?”
Ekki svo lengi sem þú hefur eldvörpu í hjarta,
því hún mun veita eldmóðinn og tryggja framtíð bjarta.

Eldvarpa, varpaðu mér, varpaðu mér í paradís,
varpa mun hún svo lengi sem þú verður kraftsins hennar vís.
Eldvarpa, eldvarpa, ég trúi á þig, verð þig að finna,
fanga þig, leiða þig, vil um eilífð með þér vinna.
                                                   

(Ef þið vitið eigi hvað eldvarpa er, flettið þá á færslu sem skrifuð var á Sverðkött 8.10.07.)

Athugasemdir

[Þórunn Þórarins (IP-tala skráð) 2.12.2007 kl. 17:59]

Hahahahaha...

Meistarverk !!

eldvarpa + Sverðköttur = sönn ást.

[Eldgerður (IP-tala skráð) 2.12.2007 kl. 18:13]

Sannkölluð epík. "Hærra en á toppinn"-stúlkan stendur fyrir sínu !

Lifi eldvarpan... Hún og hjarta mitt eru eitt !

[Hanna Borg (IP-tala skráð) 3.12.2007 kl. 16:30]

http://public.fotki.com/thegirlz85/07/agust/bjargarstgur/276499586.html

http://public.fotki.com/thegirlz85/07/agust/bjargarstgur/276499575.html

Hlakka til að sjá Sverðköttinn ásamt Eldvörpunni í jólatransi eftir ekki svo langan tíma!!

[Hanna Borg (IP-tala skráð) 3.12.2007 kl. 16:35]

ok, skil ekki alveg hvernig þetta gat klikkað.. myndirnar sem mér fundust eiga svo vel við ljóðið voru sumsé ekki þessar hér að ofan heldur þessar:

http://public.fotki.com/thegirlz85/07/agust/bjargarstgur/276499583.html

http://public.fotki.com/thegirlz85/07/agust/bjargarstgur/276499573.html

..biðst hér með velvirðingar á mistökunum..

ást og virðing

[JR (IP-tala skráð) 3.12.2007 kl. 17:28]

Enn ég hef ekki hlotið þann heiður
að sjá vörpuna fimu á rjúkandi iði
en veit að engin er hennir reiður
heldur skálar fólk í gleðimiði

til hamingju með ljóðið, sveddi katt.... og til hamingju líka með ljóðaþemað hér á síðunni...

[BM (IP-tala skráð) 3.12.2007 kl. 23:53]

Hahahahaha.. er þetta er kvöldið þegar allt fór til fjandans á Glimmer/Bjargarstíg?

Þá er ég að tala um lögregluheimsóknina, Adda Exos-snappið, stofnun Púkafélagsins, ótæpilega drykkju vodka, símaöt fram í rauða nótt, nærfatatrúnó og ég veit ekki hvaaaaaað!

Takk allir fyrir skemmtileg komment.

[Tiny (IP-tala skráð) 4.12.2007 kl. 10:22]

Já og coco puffs áti held ég líka;) hehe